Արիանա Կաոիլի. «Շախմատն ու քանդակագործությունը միասին մեծ արվեստ են»

Հայ գրոսմայստեր Լևոն Արոնյանն այսօր ներկա չէր իր կիսանդրու ներկայացման արարողությանը, քանի որ խիստ զբաղված է և նախապատրաստվում է «Grand Chess Tur» մրցաշարին: Փոխարենը լրագրողների հետ հանդիպմանը եկել էր նրա կինը՝ Արիանա Կաոիլին, ով նաև «Ճամփորդ» շաբաթաթերթի խմբագիրն է:

Արիանան Լևոնի անունից շնորհակալություն հայտնեց կիսանդրու հեղինակ, գերմանացի հայտնի քանդակագործ Բերտրան Ֆրեյսլեբենին՝ կատարած հիանալի աշխատանքի և Հայաստան այցի համար՝ միաժամանակ ներողություն խնդրելով հայ գրոսմայստերի անունից:

«Լևոնը պատրաստվում է շատ կարևոր մրցաշարի և միջոցառումները բացասական ազդեցություն են ունենում նրա վրա: Շնորհակալ ենք նման աշխատանք կատարելու համար: Իսկապես շախմատն ունի ոգի, ինչպես նաև Լևոնի խաղերը, ինչը նկատել և ներկայացրել եք Ձեր աշխատանքում: Հայաստանում և ամենուր հայերն ամեն ինչում ոգի են դնում և շախմատ խաղալը նույնպես բացառություն չէ:

Բերտրանը շատ հայտնի քանդակագործ է Գերմանիայում և մեզ համար մեծ պատիվ է նրան Հայաստանում հյուրընկալելը: Վստահաբար կարող եմ ասել, որ Լևոնը նրա հետ մեծ սիրով է աշխատել: Արվեստը մեզ միշտ առաջ է մղում, իսկ շախմատն ու քանդակագործությունը միասին մեծ արվեստ են և իրենց մեջ մեծ ոգի ունեն»,- ասաց Արիանան՝ հյուրերին միաժամանակ առաջարկելով Հայաստան գալու առիթը բաց չթողնել և անպայման դիտել Երվանդ Քոչարի աշխատանքները, ով նույնպես իր քանդակագործություններում մեծ ոգի է դրել:


[]
Հոկտեմբեր 09, 20:16 Մեղավորը ոչ թե Ռուբեն Հայրապետյանն էր, այլ Մարկոսի հայերենը (Տեսանյութ)
Հոկտեմբեր 04, 10:05 «Մանչեսթեր Յունայթեդը» պայթեցնում է տրանսֆերային շուկան
Փետրվար 16, 15:55 Բենզեման նույնիսկ չի նկատել, որ «Ռեալի» կազմում խփած գոլերի քանակով շրջանցել է Ռոնալդուին
Հուլիս 07, 10:38 Ինսուլտի կանխարգելում. քնային զարկերակների վիրահատությունը` Հայաստանում
Հոկտեմբեր 28, 17:17 Բացվել է Կովսականի տեղամասային հիվանդանոցը