Տիգրան Բարսեղյան. «Ապացուցեցինք, որ լավ թիմ ենք և կարող ենք լավ հանդես գալ»

Հայաստանի ֆուտբոլի ազգային հավաքականի և մակեդոնական «Վարդարի» կիսապաշտպան Տիգրան Բարսեղյանը հուսով է, որ իր թիմը հաջող հանդես կգա Եվրոպա լիգայի խաղարկության «Զենիթի» հետ առաջիկա հինգշաբթի օրը կայանալիք խմբային փուլի խաղում՝ շարունակելով հաղթարշավը: Այս մասին տեղեկացնում է ակումբի պաշտոնական կայքը:

«Եվրոպա լիգայի նախորդ խաղերում մենք ապացուցեցինք, որ լավ թիմ ենք և կարող ենք լավ հանդես գալ: Հատկապես սեփական հարկի տակ, որտեղ 3 խաղում 3 հաղթանակ տոնեցինք: Հուսով ենք, որ հաղթանակների շարքը կշարունակվի նաև «Զենիթի» հետ խաղում: Հանդես կգանք շատ ուժեղ թիմի դեմ, սակայն թուրքական «ֆեներբախչեն» ևս ուժեղ էր, բայց մենք կարողացանք երկու խաղերի արդյունքում նրանց պայքարից դուրս թողել:

Սկոպյեում, մեր երկրպագուների աջակցությամբ, կարող ենք հերթական լավ խաղը ցուցադրել և լավ արդյունքի հասնել, ուստի երկրպագուներին կոչ եմ անում գալ խաղադաշտ: Նրանք մեր 12-րդ խաղացողն են, մոտիվացնում են մեզ և ստիպում են ավելի լավ ներկայանալ: Հուսով եմ, որ մենք էլ կարդարացնենք նրանց սպասելիքներն ու հաղթանակ կտոնենք: Հասել ենք խմբային փուլ, այժմ պետք է հնարավորինս շատ միավորներ վաստակենք»,- ասել է Բարսեղյանը: 
 


[]
Հոկտեմբեր 09, 20:16 Մեղավորը ոչ թե Ռուբեն Հայրապետյանն էր, այլ Մարկոսի հայերենը (Տեսանյութ)
Հոկտեմբեր 04, 10:05 «Մանչեսթեր Յունայթեդը» պայթեցնում է տրանսֆերային շուկան
Փետրվար 16, 15:55 Բենզեման նույնիսկ չի նկատել, որ «Ռեալի» կազմում խփած գոլերի քանակով շրջանցել է Ռոնալդուին
Հուլիս 07, 10:38 Ինսուլտի կանխարգելում. քնային զարկերակների վիրահատությունը` Հայաստանում
Հոկտեմբեր 28, 17:17 Բացվել է Կովսականի տեղամասային հիվանդանոցը