Էդդի Հիրն. «Ջոշուայի հետ մենամարտը մեծ մրցանակ կլինի Ֆյուրիի համար»

Բրիտանացի բռնցքամարտիկ Էնթոնի Ջոշուայի պրոմոութեր Էդդի Հիրնը խոստովանել է, որ իր ընկերությունը` «Matchroom Sport»-ը, բանակցություններ է վարել Թայսոն Ֆյուրիի հետ` պայմանագիր կնքելու համար: Բացի այդ գործարարը նշել է, որ Էնթոնիի և Թայսոնի հնարավոր մենամարտը շքեղ իրադարձություն կլինի: Այս մասին տեղեկացնում է «Boxing Scene»-ն:

«Շատ խոսակցություններ են պտտվում, որ Ֆյուրին ցանկանում է միանալ մեր ընկերությանը: Դա այդպես չէ: Մենք նույնիսկ մոտ չենք պայմանավորվածություն ձեռք բերելուն, թեև բանակցություններ վարել ենք նրա հետ: Կարծում եմ` Թայսոնը հիմա շփվում է այլ պրոմոութերների հետ:

Ամեն դեպքում, եթե նա որոշի միանալ մեզ, իր առջև կբացվեն գերհզոր մենամարտերի ճանապարհներ: Ֆյուրին կարող է մրցել Էնթոնի Ջոոշուայի, Դիլիան Ուայթի, Տոնի Բելյուի և այլոց հետ: Վերջիվերջո, Ջոշուայի հետ մենամարտը կլինի գլխավոր մրցանակը: Դա մեծ իրադարձություն կարող է դառնալ»,- ասել է Հիրնը:

Հիշեցնենք, որ իր առաջիկա մենամարտն Էնթոնի Ջոշուան կանցկացնի մարտի 31-ին` Կարդիֆում: Մրցակիցը Ջոզեֆ Պարկերն է: Ինչ վերաբերում է Թայսոն Ֆյուրիին, ապա նա հայտարարել է, որ պատրաստ է վերադառնալ ռինգ ու հետ բերել չեմպիոնական բոլոր գոտիները:


[]
Հոկտեմբեր 09, 20:16 Մեղավորը ոչ թե Ռուբեն Հայրապետյանն էր, այլ Մարկոսի հայերենը (Տեսանյութ)
Հոկտեմբեր 04, 10:05 «Մանչեսթեր Յունայթեդը» պայթեցնում է տրանսֆերային շուկան
Փետրվար 16, 15:55 Բենզեման նույնիսկ չի նկատել, որ «Ռեալի» կազմում խփած գոլերի քանակով շրջանցել է Ռոնալդուին
Հուլիս 07, 10:38 Ինսուլտի կանխարգելում. քնային զարկերակների վիրահատությունը` Հայաստանում
Հոկտեմբեր 28, 17:17 Բացվել է Կովսականի տեղամասային հիվանդանոցը