Արթուր Գևորգյան. «ԱԻԲԱ-ի կանոնադրության փոփոխություններից շատերը պարտավոր ենք ներառել ՀԲՖ-ում»

Հայաստանի բռնցքամարտի ֆեդերացիայի նախագահ Արթուր Գևորգյանը վերադարձել է Մոսկվայից, որտեղ կայացել է ԱԻԲԱ-ի հերթական կոնգրեսը և որի ժամանակ ընտրվել է ԱԻԲԱ-ի նոր ղեկավար: Մանրամասների մասին Գևորգյանը գրել է ֆեյսբուքյան իր էջում.

«Արդեն վերադարձել եմ Մոսկվայից, որտեղ անցկացվում էր ԱԻԲԱ-ի հերթական կոնգրեսը և որի ժամանակ ընտրվեց ԱԻԲԱ-ի նոր ղեկավարը։ Կար երկու թեկնածու՝ գործող ժամանակավոր նախագահ Գաֆուր Ռախիմովը և հայտնի բռնցքամարտիկ Սերիկ Կոնակբաևը։ 137 ձայնից Գաֆուր Ռախիմովը ստացավ 86 ձայն և դարձավ ԱԻԲԱ-ի նախագահ։

Ի սկզբանե Հայաստանի բռնցքամարտի ֆեդերացիան եղել է այն 20 ֆեդերացիաների թվում, որոնք տվել են իրենց ստորագրությունն ի օգուտ Ռախիմովի։ Համաժողովի ժամանակ տեղի ունեցավ մի շարք փոփոխություններ ԱԻԲԱ-ի կանոնադրության մեջ, որի հետ կապված առաջիկա արտահերթ համաժողովի ժամանակ կտեղեկացնեմ։

Ի դեպ այդ փոփոխություններից շատերը պարտավոր ենք ներառել ՀԲՖ կանոնադրության մեջ։ Օրակարգը լիարժեք պարզ լինելուց հետո կտեղեկացնեմ Ձեզ համաժողովի օրվա, վայրի և ժամի մասին»,- գրել է Արթուր Գևորգյանը։


[]
Նոյեմբեր 15, 20:59 Գրոսմայստեր Լիլիթ Գալոյանը դատի է տվել Հայաստանի շախմատի ֆեդերացիային
Հոկտեմբեր 09, 20:16 Մեղավորը ոչ թե Ռուբեն Հայրապետյանն էր, այլ Մարկոսի հայերենը (Տեսանյութ)
Հոկտեմբեր 04, 10:05 «Մանչեսթեր Յունայթեդը» պայթեցնում է տրանսֆերային շուկան
Հուլիս 07, 10:38 Ինսուլտի կանխարգելում. քնային զարկերակների վիրահատությունը` Հայաստանում
Հոկտեմբեր 28, 17:17 Բացվել է Կովսականի տեղամասային հիվանդանոցը