Մրցավարը պատմել է, թե ինչու չի ընդհատել Ֆյուրի-Ուալդեր մենամարտը

Ամերիկացի փորձառու մրցավար Ջեկ Ռայսը բացատրել է, թե ինչու չի դադարեցրել դեկտեմբերի 1-ին Լոս Անջելեսում Թայսոն Ֆյուրիի և Դեոնթեյ Ուալդերի միջև կայացած մենամարտը, երբ 12-րդ ռաունդում բրիտանացին երկրորդ անգամ նոկդաունի է ենթարկվել: Ռայսը նշել է, որ Ֆյուրին քիչ հարվածներ էր ստացել և լուրջ ոչինչ չկար, իսկ նման մենամարտերում որոշումներ կայացնելիս շտապելը խելամիտ չէ: Նշենք, որ մենամարտն ավարտվել էր ոչ-ոքի հաշվով:

«Մեծ կարևությամբ մենամարտ էր, որոշվում էր աշխարհի չեմպիոնի ճակատագիրը գերծանր քաշային կարգում, ուստի որոշում կայացնելիս չշտապեցի և հնարավորություն տվեցի Ֆյուրիին: Նա այնքան էլ շատ հարվածներ բաց չէր թողել և նոկաուտի եզրին չէր, հենց այդ պատճառով էլ սպասելը ճիշտ էր: Միշտ նախընտրում եմ սպասել, եթե կա նման հնարավորություն, որպեսզի հետո ինքս ինձ չմեղադրեմ շտապողականություն դրսևորելու համար:

Ծնկի եկա, ամբողջ ընթացքում նայում էի Ֆյուրիի աչքերի մեջ, ուզում էի լիովին կառավարել իրավիճակը: Եթե բրիտանացին մինչ այդ շատ հարվածներ ստանար և ես տեսած չլինեի, որ առաջին նոկդաունից հետո նա շատ թեթև բարձրացավ, ապա միանգամից կդադարեցնեի մենամարտը: Ժամանակ չէի ձգում, բայց անում էի այն, ինչը ճիշտ էի համարում»,- ասել է մրցավարը:
 


[]
Նոյեմբեր 15, 20:59 Գրոսմայստեր Լիլիթ Գալոյանը դատի է տվել Հայաստանի շախմատի ֆեդերացիային
Հոկտեմբեր 09, 20:16 Մեղավորը ոչ թե Ռուբեն Հայրապետյանն էր, այլ Մարկոսի հայերենը (Տեսանյութ)
Դեկտեմբեր 07, 21:16 Հայաստանի «Տարվա 10 լավագույն մարզիկների» վերջնական ցանկը
Հուլիս 07, 10:38 Ինսուլտի կանխարգելում. քնային զարկերակների վիրահատությունը` Հայաստանում
Հոկտեմբեր 28, 17:17 Բացվել է Կովսականի տեղամասային հիվանդանոցը