Էնդի Մարեյն արցունքն աչքերին խոսեց կարիերան ավարտելու մտադրության մասին

Բրիտանացի թենիսիստ Էնդի Մարեյը հայտարարել է, որ մտադիր է այս տարի ավարտել մարզական կարիերան: Մարեյը նշել է, որ դա կարող է տեղի ունենալ Ավստրալիայի Բաց առաջնությունից հետո: Թենիսիստը չի կարողացել զսպել հուզմունքն ու այս մասին խոսելիս արտասվել է:

«Խոսել եմ թիմիս հետ և ասել եմ, որ չեմ կարող շարունակել խաղալ: Նախկինի նման ցավերն ինձ հանգիստ չեն տալիս և չգիտեմ, թե երբ դրանք կավարտվեն: Լավ կլինի, եթե կարողանամ դիմանալ մինչև Ուիմբլդոնի մրցաշարը և մրցելույթներս այնտեղ ավարտեմ, բայց վստահ չեմ, որ կկարողանամ:

Իհարկե, դեռ կարող եմ որոշակի խաղամակարդակ ցուցադրել, բայց դա այն չէ, ինչին ձգտում եմ: Դա միակ խնդիրը չէ: Ես իսկապես ինձ լավ չեմ զգում: Ամեն ինչ արել եմ` հնարավորության սահմաններում, սակայն ոչինչ չօգնեց: Չեմ ցանկանում այսպես շարունակել:

Չեմ բացառում, որ իմ վերջին մրցաշարը կարող է դառնալ Ավստրալիայի Բաց առաջնությունը: Հնարավոր է, ևս մեկ վիրահատական միջամտության կարիք լինի: Դա ինձ կօգնի առօրյա կյանքում լավ զգալ: Որոշ թենիսիստներ նման վիրահատությունից հետո վերսկսում են կարիերան, բայց այստեղ երաշխիքներ տալը բարդ է»,- ասել է Մարեյը:


[]
Նոյեմբեր 15, 20:59 Գրոսմայստեր Լիլիթ Գալոյանը դատի է տվել Հայաստանի շախմատի ֆեդերացիային
Հոկտեմբեր 09, 20:16 Մեղավորը ոչ թե Ռուբեն Հայրապետյանն էր, այլ Մարկոսի հայերենը (Տեսանյութ)
Դեկտեմբեր 07, 21:16 Հայաստանի «Տարվա 10 լավագույն մարզիկների» վերջնական ցանկը
Հուլիս 07, 10:38 Ինսուլտի կանխարգելում. քնային զարկերակների վիրահատությունը` Հայաստանում
Հոկտեմբեր 28, 17:17 Բացվել է Կովսականի տեղամասային հիվանդանոցը